Llywodraethwr Cyswllt Anghenion Dysgu Ychwanegol (ADY)

Fe ddylai’r Pennaeth (neu’r Cydlynnydd ADY) adrodd yn rheolaidd I’r corff llywodraethu ar ADY yn yr ysgol, ond gall y corff llywodraethu ddymuno penodi llywodraethwr ar fyder ADY I gefnogi a chynorthwyo’r corff llywodraethu I gael gwell dealltwriaeth a gwybodaeth am ADY yn yr ysgol. Mae bod yn llywodraethwr gyda chyfrifoldeb dros ADY yn golygu gwneud eich gorau i sicrhau bod disgyblion ag ADY yn cael y cymorth a’r gefnogaeth y maen nhw eu hangen i gael mynediad i’r cwricwlwm a chymryd rhan cyflawn ym mywyd yr ysgol. Mae’r rôl yn cynnwys:

• cadarnhau bod gan yr ysgol bolisi ADY a’i fod yn cael ei adolygu’n flynyddol. *Fe ddylai ysgolion gyfeirio at y Cod ADY gan fod y Cod ADY yn gyfuniad o’r gofynion cyfreithiol, canllaw statudol a chanllaw anstatudol;

• bod yn gyfarwydd gyda pholisi ADY yr ysgol, deddfwriaeth a chanllawiau perthnasol;

• derbyn gwybodaeth am fentrau ADY, yn genedlaethol ac yn lleol, gan Lywodraeth Cymru a’r Awdurdod Lleol;

• deal rôl a chyfrifoldebau’r Cydlynnydd Anghenion Dysgu Ychwanegol (ALNCo) yn yr ysgol;

• cyfarfod bob tymor, trwy apwyntiad, gyda’r cydlynydd ADY i drafod cynnydd ac effeithlonrwydd y polisi ADY (yn unol â pholisi Ymweliadau Llywodraethwyr i Ysgolion);

• gweithio gyda’r llywodraethwr cyswllt amddiffyn plant (os yn briodol);

• deall sut y mae’r ysgol yn adnabod disgyblion ag ADY a beth sy’n digwydd unwaith y bydd disgybl wedi’i adnabod;

• bod yn ymwybodol o oynion cynnwys cyffredinol ar gfyer y Cynluniau Datblygu Unigol (CDU);

• bod yn ymwybodol o’r cynnydd y mae disgyblion gydag ADY yn ei wneud;

• bod yn ymwybodol o’r gyllideb sydd ar gael i ADY yn yr ysgol a monitro ei ddefnydd effeithiol;

• adrodd, yn flynyddol o leiaf, i’r corff llywodraethu ar weithrediad ac effeithlonrwydd polisi ADY yr ysgol, heb drafod manylion disgyblion unigol;

• ysgrifennu, neu helpu i ysgrifennu, gwybodaeth ADY ar gyfer Adroddiad Blynyddol y Llywodraethwyr i Rieni

• sicrhau bod adran yn llawlyfr yr ysgol ar ddarpariaeth ADY; a

• diweddaru gwybodaeth ADY trwy fynychu cyrsiau hyfforddi perthnasol sy’n cael eu rhedeg gan yr Awdurdod Lleol.

Adnoddau

© Gwasanaethau Governors Cymru – Mai 2026

Sylwadau

Ychwanegu sylw